ربنا ميحرمناش من بعض ابدا يا حببتى يارب

انا بحب فرح اوووووووى

مش عارفه الحب دا عشان ماما مش معانا ولا عشان ايه ؟

بس بجد انا بحبها جدا وبخاف عليها موت

الغريب بقى انى مش بحبها كأختى .. لا

دايما بحس انها .. بنتى

بجد بحسها كدا

انا لما بكون جعانه اوى وهيا كمان جعانه .. بمجرد انها تاكل وتشبع .. انا خلاص كدا ببقى مش جعانه وبشبع فعلا

ولما بتكون فى المدرسه او بره البيت .. بحس ان روحى معاها كدا .. اه والله .. وبقلق جدا لو اتأخرت شويه عن الطبيعى

ولما باجى انام مش بستريح لو نمت من غيرها .. لازم احس انها موجوده فى حضنى كدا .. محدش تانى هياخدها

حتى لما بتروح تنام مع حد غيرى .. مش بيجيلى نوم الا لما اطمن انها فعلا نامت وخلاص كدا وابقى اروح انام انا بقى

والله لما بزعلها بيبقى عشان مصلحتها .. وبدايق جدا لما تفهمنى غلط .. وتفتكر انى بزعق وبتخانق معاها وخلاص

اوقات بحس انى بحبها زياده كتير عن باقى اخواتى .. بس مش عارفه ليه كدا .. يمكن عشان بحس ان هيا محتاجه حد جنبها وانا لو مكنتش موجوده معاها كانت تعبت انها لوحدها وكدا

بس حقيقى فعلا انا بحبها اكتر من باقى اخواتى .. وبدعى ياااااارب ميبعدناش عن بعض ابدا يارب

نفسى تكبر وتفهم الحياه كويس .. وتبقى احسن واحده فينا كلنا واحسن بنوته اصلا

ونفسى اوى تبطل العصبيه اللى هيا فيها دى .. وتهدى شويه ومش تتنرفز بسرعه .. عشان حقيقى دا مش هينفع فى حياتها بعد كدا

يارب يوفقها

ويارب خليك معايا انى اقدر اعلمها حاجات كويسه هيا محتاجاها .. ولو فيه حاجه غلط انا فاهماها يارب سبب الاسباب فى انى افهمها صح عشان افهمهلها صح مش غلط ياااااااارب

بـــــــــ ـــــــــحـــــــ ـــــــبـــــــــــــ ـــــــــك يـــــــــــا فــــــــــروحــــــــــــــه