- سكشن جرافيكس -
موضوع الجرافيكس دا على فكرا مش موضوع سهل .. انا مش بقولكوا كدا عشان اعقدكوا لا ..انا بس عايزكوا تشتغلوا اكتر وتتابعوا ومتستهونوش بالماده
زى ما انتو شايفين على الشاشه كدا .. هنستب السى دى بعدين هنفتح هتلاقى .... هتختار منها .... وبعدين .... وبعدين توصل للخطوه دى بقى .. مهمه دى ركزوا معايا ... بعدين ... بعدين هيفتح معاك البرنامج بقى و .....
الماده هناخد فيها الشباتر دى .. أول واحد .... والتانى ... والتالت بيتكلم عن .... والرابع .. و.. و .. والـ 12 بقى مهم جدااااااااااا
انا عايزكوا تفهموا الماده عشانكوا .. مش عشان الامتحان والدرجات .. الحاجات دى سهله تحققها يعنى.. لكن انك تطلع من الكورس بتاع الجرافيكس مش عارف حاجه .. يبقى بجد دا اللى عيب اوى يعنى
على فكرا عرفت درجاتكوا الترم اللى فات .. زففففففففت يا سنه تالته .. مش دا مستوى سى اس اللى كان موجود ابدا .. منكوا لله شمتوا العدو فينا - قسم اى تى - انا عايزكوا تهتموا أكتر بقى
حد عنده أى اسئله؟
( وبعد فتره من السكون .. وبعد ان تقدم (.....) بالسؤال الخارج عن المنهج كالعاده .. وتقدمت (.....) بالسؤال اللى بيحسس الواحد انه مبيفهمش حاجه فى أى حاجه)
كدا انا أدتكوا اللى عندى .. فاضل ايه بقى يا بشمهندسين ؟ ايوه بالظبط .. فاضل اللى عندكوا
لما يبقى فيه تسليم حاجه مش عايز حد يتأخر .. لما يكون فيه ... ولما يكون فيه ... وعايز كل سكشن واحد يجى يقولى انه اكتشف حاجه جديده ممكن يضفها للبرنامج او يحل بيها مسأله أو كدا .. عشان تشتغلوا .. وبلاش قاعده السكشن اللى انا بنام منها دى
أوك يا جماعه . يلا خدوا الغياب وانا كدا خلصت النهارده
عااااااااااااااااا .. بدأت الدراسه من تااااااااااااااانى وبدأت المذاكره وتعب الاعصاب من تانى
ياااااااااه كانت أجازه حلوه والله .. بتفرج على التليفزيون من غير تأنيب ضمييييييير يا سلااااام
مع انى كنت على اخر الاجازه نفسى ان الدراسه تبدأ اوى .. بس مش عشان كارهه الاجازه لا والله كانت حلوه الى حد ما .. لكن بس عشان أشوف اصحابى وكدا
انا نفسى فى دراسه تكون نحضر فيها محاضرات وسكاشن اوك .. لكن بلاش امتحانات ياريت
مش عارفه فين دى بس ممكن يخترعوها قريب وايه المانع ؟
يعتمودا على الثقه المتبادله بين الملقى - الدكتور - والمتلقى - الطالب - ايوا طبعا .. لازم يكون فيه ثقه
انتو تدونا الشرح .. واحنا نفهم بقى ونختبر نفسنا بنفسنا
مش عارفه ليه مش واثقين فينا الناس دى
.........
محاضره .. سكشن .. امتحان عملى ..تسليم مشاريع .. امتحان نظرى .. عاااااااااااااااااااااااا .. أستر يارب
0 comments:
Post a Comment